蛋黃加忌廉既豐滿口感，裡面一點點的香草籽，冷卻後洒上白糖，再焗／燒成焦糖。外熱內冷，外脆內軟既口感加上焦糖香草香味。相信一個好既creme brulee，會係好多人既至愛，亦係我第一款愛上既西式甜品。

source: sharonsantoni.com

大家無睇錯，呢篇真係一篇酒評。終於入正題，今次要講既係余市１０年。余市應該係最廣受香港人認識既日本威，標準酒係香港既賣價都比一般蘇格蘭貴一大截。所以買日本威，最化算就係日本機場免稅店入貨！余市係機場免稅賣既有12，15，20呢3個年份。余市10年就要出去街買含稅版先有喇～～

余市係我最喜歡既蒸餾所之一，已經試過多個年份既標準酒，對呢間蒸餾所既風格都略算了解，輕泥煤風格，溫柔而平易近人。比起某Ｄ重口味酒種，的確更容易俘虜大眾飲家既舌頭。

Yoichi 10 Back

Yoichi 10 front

氣味： 拖肥，焦糖，忌廉， 乾木， 香橙軟糖
口味： 油潤，full body,  蜜糖， 焦糖， 奶油， 香草，creme brulee , 黑松露
餘韻： 中短， 奶油忌廉， 焦糖， 香草， 拖肥

香草奶油的豐盈餘韻，稍作停留，但再沒有太多變化。如不太喜歡吃甜品的男士，creme brulee可能會令人覺得有點油膩。整體而言，香味偏向香草等香料味道，泥煤稍作點綴，沒有太多的層次變化。但味道非常討好。或許在餘韻中，加一點檸檬皮，可減低油膩感。但平衡不是絕對的，性格亦沒有客觀的好壞，孔子曰：＂誰曾拿著你講笑話你用處真的太少，可想過你那弱點就是我剛剛想要＂。余市１０年，以日本本土門市價計算，絕對是上等之作。