客席酒評人 – 奧當

啱啱榮升人父~~ 係時候嗒返杯秩父, 感受人生既高低起跌。

秩父(Chichibu)是2008年由伊知郎（Ichiro Akuto）創立的年輕蒸餾所。Ichiro是關門大吉的羽生蒸餾所創辦人Isouji Akuto的長孫，在大學修學釀造科，曾於日本威士忌巨頭三得利打工。2000年羽生遭逢滅廠卮運，新買家將蒸餾所拆骨出售，Ichiro籌期買回伯爺心血，約400桶的存酒。

成功需父幹，伯爺＂留＂落黎既羽生，令全球威士忌飲家趨之若鶩，亦為Ichiro賺到第一桶金。曾經滄海難為水，除卻巫山不是雲。Ichiro不甘心只做一間裝瓶廠，不甘心背負家傳祖業敗在自己手上，決心重振蒸餾所。
秩父蒸餾所位於埼玉県秩父市郊區，冬夏溫差非常大。就如我們港燦熟悉的台灣宜蘭Kavalan，強烈的溫度變化加快酒液熟成速度。Ichiro靠裝瓶羽生名振全球，所以大家都對秩父寄與厚望，再加上年產量只有9萬公升，索價自然不菲。
今次有機會下試呢支非常年青既重泥煤威威，一探呢間日本威壇新貴既風格～～～

秩父 THE PEATED 2010-2013, 3yr, 53.5% Bottle # 3444 / 6700

香味: 煙燻, 橙皮, 檸檬夾心餅, 麵豉
口味: 煙燻, 香茅, 檸檬皮, 蜜糖, 香草,
餘韻: 悠長, 檸檬夾心餅, 青蘋果, 麥茶

高苯酚3年酒, 泥煤味沒有預期中橫練。清新芸香科果香, 與煙燻平衡細緻。口感香甜油潤, 酒體中強。加幾滴水後，檸檬皮感覺比較明顯。3年陳釀難得一見的討好平衡。
悠長餘韻, 煙燻過後, 就好似食完檸檬夾心餅, 檸檬皮香精成為主軸, 青蘋果味若隱若現。飲完好想落士多買包old school檸檬夾心餅o趙下~~

總結黎講，計埋價錢，呢支THE PEATED算是中庭之作。味道平衡細緻，但略欠層次。但在短短３年，可以把波本桶的優點灌注，大膽地製作重泥煤酒體。可見技術絕非等閒，期待未來有機品嚐秩父更高年份既陳釀。